Вебинар «Заманауи жылыжай технологиялары: қиындықтар мен мүмкіндіктер»
Қазақстанның Нидерландыдағы Елшілігі ауыл шаруашылығы саласындағы нидерландтық компаниялардың қатысуымен вебинарлар сериясының басталғаны туралы хабарлайды және барлық қызығушылық танытқандарды «Заманауи жылыжай технологиялары: қиындықтар мен мүмкіндіктер» тақырыбындағы бірінші вебинарға шақырады.
Күні: 16 ақпан, сағат 17.00 (Нұр-Сұлтан уақыты).
Спикерлер: KUBO, Van Der Hoeven, Certhon жетекші нидерландтық компанияларының сарапшылары.
Модераторлар: Dutch Greenhouse Delta бас директоры – Эрик Эгбертс және Қазақстан жылыжайлары одағының президенті – Нұрлан Әділхан.
Өтетін орны: ZOOM онлайн платформасы, қосылу үшін https://us06web.zoom.us/j/81674401760?pwd=Z0JlYzFSQTBCTHVIelVVUndnb2xvZz09 сілтемесін басыңыз.
Вебинарды ұйымдастырушылар: ҰАҒБО және Dutch Greenhouse Delta. Қолдау көрсеткендер – Қазақстан Республикасының Нидерланд Корольдігіндегі Елшілігі, Kazakh Invest, Германия-Қазақстан аграрлық-саяси диалогы және Қазақстанның жылыжай одағы.
Анықтама: Вебинарлар сериясы ҰАҒБО мен Dutch Greenhouse Delta арасындағы 2021 жылғы 3 маусымдағы меморандум негізінде тегін ұйымдастырылады.
«Ұлттық аграрлық ғылыми-білім беру орталығы» коммерциялық емес акционерлік қоғамы (ҰАҒБО) бұл Қазақстанның аграрлық саласының ғылыми-білім беру мекемелерінің мемлекет және бизнеспен тұрақты өзара әрекеттесуінің бірыңғай операторы, ғылыми-білім беру орталығы. ҰАҒБО миссиясы – аграрлық ғылымның практикалық тиімділігін арттыру және агроөнеркәсіп кешенін жоғары білікті кадрлармен қамтамасыз ету арқылы Қазақстан Республикасының агроөнеркәсіптік кешенінің инновациялық дамуына жәрдемдесу.
Dutch Greenhouse Delta (DGD) бүкіл әлемде нидерландтық жылыжай бау-бақшасын ілгерілету үшін құрылған. DGD - өсіп келе жатқан мегаполистердегі азық-түлік және гүл өсіру бойынша күрделі, ауқымды жобаларға «бір терезе» болып келеді. Жетекші нидерландтық серіктестермен бірге жұмыс істей отырып, DGD зерттеудің, кәсіпкерлік тәжірибенің, білім берудің және үкіметтік қарым-қатынастардың біртұтас Fork2Farm бау-бақша экожүйесін ұсынады.
