Медиа орталық

Биыл Атырау облысында «Ауыл-Ел бесігі» жобасы бойынша жаңа әлеуметтік нысандар мен жолдар салуға 11 млрд. теңгеден астам қаражат бөлінді

Биыл Атырау облысында «Ауыл-Ел бесігі» жобасы бойынша жаңа әлеуметтік нысандар мен жолдар салуға 11 млрд. теңгеден астам қаражат бөлінді

Биыл Атырау облысында «Ауыл-Ел бесігі» жобасы бойынша жаңа әлеуметтік нысандар мен жолдар салуға 11 млрд. теңгеден астам қаражат бөлінді

Атырау облысына жұмыс сапары барысында Ұлттық экономика вице-министрі Бауыржан Омарбеков «Ауыл-Ел бесігі» жобасы іске асырылып жатқан елді мекендерге барып, Құлсары қаласын дамыту мәселелері жөніндегі жиынға қатысты.

Вице-министр атап өткендей, соңғы 10 жылда Құлсары қаласының инфрақұрылымын дамытуға шамамен 10 млрд. теңге бөлінді. Алайда, оның айтуынша, қаладағы бірқатар проблемалар шешілмеген.

«Олардың арасында су мен жолдар мәселелері бар. Жалпы, қала инфрақұрылымын жақсартуға жеткілікті қаражат бөлініп жатыр. Бұл қаланың ең өткір проблемаларын шешуге мүмкіндік берді», - деді Б.Омарбеков.

Сонымен қатар, ол қалада еңбек нарығындағы және ШОБ дамуындағы теріс үрдістерді, жұмыспен қамтылғандар санының, сондай-ақ құрылыс жұмыстары көлемінің төмендеуін атап өтті.

Өз кезегінде Жылыой ауданының әкімі Жұмабек Қаражанов қалада емханалар, балабақшалар, мектептер, тұрғын үйлер, су құбырлары мен жолдар салу бойынша жобаларды іске асыру жоспарланғаны туралы баяндады.

Сондай-ақ, вице-министр Атырау облысының әлеуметтік-экономикалық дамуының кешенді жоспарын іске асыруға арналған кеңеске қатысты. Нәтижесінде жергілікті билік органдарына 2022 жылға жоспарланған іс-шараларды сапалы орындау бойынша ұсыныстар берілді.

Кейін вице-министр «Ұлттық индустриялық мұнай-химия технопаркі» АЭА аумағында орналасқан газ-химия кешені құрылысының барысымен танысты. Жыл сайын мұнда 500 мың тоннаға дейін өнім шығару жоспарланып отыр. Құрылған сәттен бастап арнайы экономикалық аймаққа 1,1 трлн. теңге көлемінде инвестициялар тартылып, мыңнан астам тұрақты жұмыс орындары құрылды.

Атырау қаласында Балықшы шағын ауданнан Зарослый ауылына дейін автомобиль жолын қайта құру бойынша жұмыстары жалғасуда. Оның жалпы ұзындығы 5,7 км. Нәтижесінде, бұл көлік қатынасының сапасын арттыруға, өткізу қабілетін жақсартуға мүмкіндік береді. Жалпы құны 3,6 млрд. теңге болатын жоба осы жылдың соңына дейін пайдалануға беріледі деп жоспарлануда.

Жұмыс сапары барысында Б.Омарбеков Атырау облысында «Ауыл – Ел бесігі» жобасының жүзеге асырылу барысымен танысты.

Махамбет ауылында ол 600 орындық мектеп-интернаттың құрлысымен танысты. Білім ұясы 2023 жылдың сәуір айында пайдалануға беріледі деп жоспарлануда. Жаңа мектепте футбол алаңы, баскетбол, волейбол, гимнастика және тенниске арналған спорт залдары салынады.

Ағымдағы жылы Атырау облысының 30 ауылында 41 жобаны іске асыруға 11,2 млрд. теңгеден астам қаражат бөлінді.

Дереккөз: Атырау облысының әкімдігі

Қолданбасын орнатыңыз:
1) Ашыңыз сайты Safari
2) сақтау Түймешігін түртіңіз
3) Қосу экран үйге